NTD BK yeni mövsüm ərəfəsində strategiyasını dəyişərək əsas diqqətini gənc azərbaycanlı basketbolçuların inkişafına yönəldəcək.
AzB.az xəbər verir ki, komandanın heyətinin əsasını Azərbaycanın U-20 millisinin basketbolçuları təşkil edəcək.
Yeni strategiyanın əsas məqsədi gənc oyunçulara böyüklər arasında daha çox oyun təcrübəsi qazandırmaq və onların peşəkar inkişafı üçün lazımi şəraiti yaratmaqdır.
Gənc basketbolçularla yanaşı, NTD BK-nın heyətində bir neçə legioner də yer alacaq.
Eyni zamanda məşqçilər korpusunu da gücləndirən klub təcrübəli mütəxəssis Anar Sarıyevi komandaya dəvət edib.
