Azərbaycan Basketbol Liqasında (ABL) II turun oyunlarının vaxtı məlum olub.
AzB.az xəbər verir ki, turun matçları oktyabrın 9–10-da Sumqayıt Olimpiya İdman Kompleksində və Bakı İdman Sarayında təşkil olunacaq.
Turun proqramında yer alan "Gəncə" – "Sabah" görüşü fərqli tarixə keçirilib. Buna hər iki kollektivin avrokuboklardakı gərgin təqvimi səbəb olub. Oktyabrın 6-da "Sabah" Basketbol Çempionlar Liqasında Litvanın "Ritas" klubunun qonağı olacaq. "Gəncə" isə oktyabrın 7-də FIBA Avropa Kubokunda Türkiyədə "Esenler Erokspor"la üz-üzə gələcək.
Görüşün yeni tarixi barədə daha sonra məlumat veriləcək.
Qeyd edək ki, biletlər 5 AZN-dən başlayan qiymətlərlə azebasketball.com saytında satılır. Bakı İdman Sarayındakı matçları 14 yaşadək uşaqlar ödənişsiz izləyə bilərlər.
