"Detroyt Pistons"un basketbol əməliyyatları rəhbəri Trajan Lanqdon ilə birgə mətbuat konfransında iştirak edən Jalen Duren müqavilə danışıqları ilə bağlı gəzən şayiələrə aydınlıq gətirib və azarkeşlərə qətiyyətli mesaj verib.
AzB.az xəbər verir ki, şayiələrə münasibət bu cürdür:
"Mediadan heç kimlə danışmamışam, ortalıqda dolaşan heç nəyə şərh verməmişəm. Bütün bunları sadəcə şayiə hesab edin, onlar mənim hiss və düşüncələrimi əks etdirmir", – deyə basketbolçu bildirib.
Müqavilə prosesi: Danışıqların gözləniləndən uzun çəkdiyini etiraf edən Duren həm klubun, həm də öz komandasının hər iki tərəf üçün ən yaxşı nəticəni əldə etməyə çalışdığını vurğulayıb.
Sadiq qalmaq istəyi: Şəhərə və azarkeşlərə mesajında hər hansı bir dəyişmə olmadığını qeyd edən gənc oyunçu: "Ən net mesajım odur ki, mən bir "Detroyt Piston"am. Ömrümün sonuna qədər də bu klubda qalmaq istəyirəm", – deyə əlavə edib.
Yay fasiləsində yaşanan uzun müzakirələr və məhdud azad agent dövründən sonra Duren Detroyt təmsilçisi ilə 5 illik, 200 milyon dollarlıq yeni müqavilə imzalayıb.
