FIBA Avropa Kuboku: "Neftçi"nin qrupundakı son durum

FIBA Avropa Kubokunda II tur başa çatıb.

AzB.az xəbər verir ki, Azərbaycan təmsilçisi "Neftçi" bu turnirdə H qrupunda mübarizə aparır.

Turnirə uğursuz başlayan təmsilçimiz keçirdiyi hər iki qarşılaşmada meydanı məğlub tərk edib.

İki turdan sonra aktivində 2 xal olan "Neftçi" 6 komandanın yer aldığı qrupun sonuncu pillələri bölüşdürür. Qrupa hərəyə 2 qələbə ilə Latviyanın VEF və Yunanıstanın "Mikonos" klubları başçılıq edirlər. Bolqarıstanın "Lokomotiv Plovdiv" və Rumıniyanın "Orayda" kollektivləri isə hərəyə 1 qələbə ilə növbəti pillələrdə qərarlaşıblar.

"Neftçi" 3-cü turda FOB-un qonağı olacaq. Görüş oktyabrın 21-də baş tutacaq.

H qrupu, Xal durumu:

1. VEF (Latviya) – 2 matç (2 qələbə, 0 məğlubiyyət) – 4 xal

2. "Mikonos" (Yunanıstan) – 2 matç (2 qələbə, 0 məğlubiyyət) – 4 xal

3. "Lokomotiv" (Plovdiv, Bolqarıstan) – 2 matç (1 qələbə, 1 məğlubiyyət) – 3 xal

4. "Orayda" (Rumıniya) – 2 matç (1 qələbə, 1 məğlubiyyət) – 3 xal

5. "Neftçi" (Azərbaycan) – 2 matç (0 qələbə, 2 məğlubiyyət) – 2 xal

6. FOB (İsveçrə) – 2 matç (0 qələbə, 2 məğlubiyyət) – 2 xal