"Qalatasaray" basketbol klubu italyalı başməşqçi Cianmarko Potsekko ilə yolları ayırmaq qərarına gəlib.
AzB.az xəbər verir ki, müqavilənin xitam olunması barədə rəsmi açıqlamanın yaxın saatlarda veriləcəyi gözlənilir.
Bu qərar "sarı-qırmızılı" komandanın Türkiyə Basketbol Superliqasının 3-cü həftəsində doğma meydanda "Bursaspor"a 88:93 hesabı ilə mağlub olmasından dərhal sonra qəbul edilib.
"Bursaspor"a uduzan "Qalatasaray" bütün turnirlər daxil olmaqla üst-üstə 3-cü mağlubiyyətini yaşadı. Komanda daha əvvəl daxili çempionatda səfərdə "Karşıyaka"ya əlavə vaxtda (71:78), FIBA Basketbol Çempionlar Liqasında isə "Çibona"ya (76:96) uduzmuşdu.
2025-ci ilin dekabrında Yakup Sekizkök ilə yollar ayrıldıqdan sonra komandaya gətirilən Potsekko 2026/27 mövsümünün sonuna qədər müqavilə imzalamışdı.
2025/26 mövsümündə daxili liqada 17 qələbə və 13 məğlubiyyətlə 7-ci yeri tutan komanda pley-off 1/4 finalında "Beşiktaş"a (ümumi hesabda - 1:2), Çempionlar Liqasında isə çərəkfinalda "La Laquna Tenerife"yə (ümumi hesabda - 1:2) uduzaraq mübarizəni dayandırmışdı.
Abunə ol
