"Naxçıvan" basketbol klubu yeni mövsüm öncəsi heyətini tam formalaşdırıb.
AzB.az-ın əldə etdiyi məlumata görə, "ağ-göylər" heyətinə 10 yeni basketbolçu cəlb edib, 2 oyunçu ilə isə müqavilə müddətini uzadıb. Klub rəsmisinin sözlərinə görə, hazırda başqa bir transfer gündəmdə deyil:
"Transfer çalışmalarımızı tamamlamışıq. Heyətlə bağlı bütün yeniliklər artıq rəsmi səhifəmizdə paylaşılıb. Əlavə transfer olacağı təqdirdə bu barədə ictimaiyyətə məlumat veriləcək".
Komandaya qoşulan yeni basketbolçular: Amil Həmzəyev, Səid İsmayılov, Murad Babayev, Rəvan Əliyev, Azər İbrahimov, Ceremi Heyz, Oleq Kojenets, Mayls Uilmot, Deşon Stivens və Kristian Kuns.
Müqaviləsi yenilənən oyunçular: Camaal Brantli və Yavər Abbasov.
