"LA Klippers"in basketbolçusu Darius Qarland komandasının 2026/27 mövsümünə hazırlığı barədə fikirlərini bölüşüb.
AzB.az xəbər verir ki, o, NBA tərəfindən tətbiq olunan cəza səbəbindən heyətin formalaşdırılmasında çətinliklər yaşandığını, lakin bunun kollektivin motivasiyasına mənfi təsir göstərmədiyini bildirib.
Qarland komandadakı mövcud ab-havadan razı olduğunu vurğulayıb:
"Düşünürəm ki, bir çoxlarını təəccübləndirəcəyik. Mövsümümüz insanları heyrətləndirəcək. Komandada əla atmosfer var, mövsüm hələ başlamayıb, amma bütün oyunçular artıq 2-3 aydır zalda birlikdə çalışır. Aramızda sıx dostluq yaranıb, qələbə uğrunda mübarizəyə tam hazırıq".
Təcrübəli oyunçu baş məşqçi Tayron Lunun rəhbərliyi altında böyük uğurlar qazanacaqlarına inandığını əlavə edib:
"Heyətimizdə motivasiyalı və aqressiv oyunçular çoxdur. Baş məşqçi Tayron Lunun və məşqçilər korpusunun dəstəyi ilə potensialımızı tam göstərəcəyimizə inanıram. Hər kəs çox ruhlanıb. Bu, ötən mövsümdən sonra bizim üçün sanki təmiz hava nəfəsi oldu".
